Российын Президентше субъект- влаклан социал-полышым пуымо мера- влак нерген совещанийым эртарен

                  Марий Элым вуйлатыше Александр Евстифеев Россий Президентын субъект- влаклан социал-полышым пуымо мера- влак нерген совещанийыште участвоватлен. Погынымаш видеоконференцкыл йӧн дене эртен. Кугыжанышым вуйлатыше палемден: экономикысе кызытсе нелылыкым сеҥымаште тӱҥ рольым посна бизнес модшаш. Ӧрдыж гыч темдымылан амалкалче пашан тичмаш эрыкше да кугу полыш дене вашештыман, тергыше орган- влак бизнеслан чаракым иземдышаш улыт,- каласен Владимир Путин. Тидымат палемден: экспортёр- влак производствым иземдышаш огыл, а сатум эл кӧргӧ рынкыш колтышаш улыт, тидыже акым волташ полша. Президент шке ойыштыжо российысе регионлам вуйлатыше- влаклан экономикым да калыкым писын поддержатлаш ешартыш полномочийым пуэн. Федерал антимонопольный службылан акым эскерен шогаш кӱштымӧ.
                     Санкций- влакым пуртымо жапыште Марий Элыште кӱлешан йодыш- влакым вашке виктарен колташ Александр Евстифеевын вуйлатымыже почеш регионысо штабым ыштыме. Социал экономик велым вияҥдыме йодышым ончалаш гын, пытартыш ийлаште экономикын тӱҥ отрасльже- влак ӱшанлын вияҥыт. Тенийсе январьыште гына промышленный производствын, ял озанлык сатун, чоҥымо пашан кугеммыже коеш. Импорт оборудованийым кондаш тореш лийме, логистике кылын начареммыже, валютын курсшо кугеммылан кӧра акын кушмыжлан заказын шагалеммыже, сырьён ситыдымыже нерген увер Россий Правительствын координаций рӱдерышкыже колталтеш. Федерал бюджет гыч ешартыш финансирований кӱшеш прорвыной проект-влакым илышыш шыҥдараш йӧн уло. Ордыж гыч санкцийым пуртымо дене утларак полыш «Российын радиоэлектронике кластерже» ден «Продовольственный экспансий» проект- влаклан кӱлеш лиеш. Нуно кӱкшӧ технологиян радиоэлектроникым лукташ, энергоресурсын акшым иземдаш, кочкыш сатум утларак лукташ полшат.
             Фото: Марий Элым вуйлатышын организаций да аналитик виктемже.