Адакат- шояк окса

              Йошкар-Олаште адакат вич тӱжем да кок тӱжем теҥгеаш шояк оксам верештме. Калык дечын оксам налше организацийлан пашаеҥышт шояк окса дене чӱчкыдын вашлийыт. Полицийын дежурный частьышкыже банк пӧлка гыч увер пурен: кевыт гыч пурышо оксам шотлымо годым кок да вич тӱжем теҥгеаш шояк оксам рашемдыме. Тыгаяк увер «Советский» полиций пӧлкашкат пурен.Тушто вич тӱжемаш рашемын. Нине факт почеш уголовный пашам тарватыме.