Козьмодемьянскысе эмлыме вер эн ончыч у рентген маммографым налын

             Козьмодемьянскысе эмлыме вер эн ончыч у рентген маммографым налын. Тудым «Тазалыкаралтыш» калыкле проектын первичный звеном уэмдыме программыже кышкарыште 14 миллионат 500 тӱжем теҥгелан налме. Тазалыкралтыш министерствын ончыктымыжо почеш 2021-ше ийыште Козьмодемьянскысе эмлыме верыште маммографийым Курык марий да Юрино районла гыч ныл тӱжемат 352 ӱдырамаш эртен. Тений республикысе медицина органиазций- влак лу мамографым налшаш улыт. Нунын кокла гыч эн ончыч Козьмодемьянск налын. Тыгак у маммограф- влак Йошкар-Оласе, Звениговысо, Марий Турекысе, У Торъялысе, Медведево да Куженерысе, Моркысо да Волжскысо эмлыме верлашке, Йошкар-Оласе икымше номеран поликлиникыш толшаш улыт. Маммограф деч посна тений кок флюорографым Йошкар-Оласе да У Торъялысе эмлыме вер- влак налыт, кум рентген аппаратым Волжскысо, Параньгасе эмлыме верыш да Йошкар-Оласе 4-ше поликлиникыш кондат. Мединина организацийлашке тений 192 миллион теҥгелан 15 неле медицина оборудованийым кондат. Кодшо ийынат тынарымак налме.
Фото: https://pixabay.com/