Шым самырык еш илыме йӧным саемдаш сертификатым налын

              Рӱдӧ олаштына шым самырык еш илыме йӧным саемдаш сертификатым налын. Олан мэрже Евгений Маслов Йошкар-Олаште илыше шым самырык ешлан илыме йӧным саемдаш сертификатым кучыктен. «Самырык еш- влаклан илыме верым ситарымаш» программе республикыште 2006-шо ий годсек пашам ышта. Тиде жапыште 444 самырык еш социал оксам налын. Нунын кокла гыч шӱдыжӧ- шуко шочшан лийыныт. Тений сертификатым налше- влак чыланат шуко шочшан улыт. Шукертсек вучымо сертификатым кучыктымо торжественный мероприятий ола администрацийыште эртен. Палемдыме: тиде окса дене пачерым налаш але шке пӧртым чоҥаш, ипотеке кредитым петыраш але шке оксам пыштен шуко пачеран пӧртыштӧ пачерым чоҥаш лиеш.
           Виктор Шевелёвын фотожо. «Йошкар-Ола» газет.