Кокымшо аукционым уверарыме
Из Какшан эҥер серын ужашыжым тӱзландараш 135 миллион теҥгем кучылташ шонат. Тиде Ленин проспект деч тӱҥалын Йошкар-Олалан 400 ий темме лӱмеш каныме парк марте серын кок могрыжо нергенат ойлалтеш. Пашам шукташ подрячикым ойыраш черетан аукционым увертарыме. Тӱналтыш акше 134 миллионат 900 тӱжем теҥге утла. Пашам шушаш ийын 15 –ше февраль марте ыштен шуктышаш улыт. Декабрьыште эртарыме аукционыш ушнаш кумылан- влак лийын огытыл.