Килемар посёлкышто районым вуйлатышын призше верч ече дене таҥасымаш эртен

               Килемар посёлкышто районым вуйлатышын призше верч ече дене таҥасымаш эртен. Килемар районым вуйлатыше Николай Сорокин погынышо- влакым саламлен да стартлан тӱналтышым пуэн. Тиддеч ончыч ӱдыр- влак тазалыкым пеҥгыдемдыше аэробике дене показательный выступленийым эртареныт. Таҥасымашке пӱтынь район гыч 250 утла еҥ ушнен. Сеҥыше да призёр- влак медаль да грамот дене палемдалтыныт, шере призым тамленыт. Таҥасыше- влак коклаште поснак Йӱксар илемын командыже ойыртемалтын. Тудо таҥасымаште кажне ийын участвоватла да ик эн вияҥлан шотлалтеш.
            Фото: "Единый Российын" верысе полкажын архивше гыч.