Таче Марий Элым вуйлатыше мер пашаеҥ- влак дене вашлиймашым эртарен

Таче Марий Элым вуйлатыше мер пашаеҥ- влак дене вашлиймашым эртарен
           Таче Марий Элым вуйлатыше  Александр Евстифеев республикысе мер пашаеҥ- влак дене вашлиймашым эртарен. «ВКонтакте» вотышто республикысе правительствын лаштыкыштыже вашлиймаш гыч вияш трансляцийым ончыктымо. Погынымаште пытартыш ныл ийыште ыштыме пашам иктешлыме да республикым ончыкыжо вияҥдыме йодыш-влакым каҥашыме.
            Марий Элыште коронавирус инфекцийлан кӧра пуртымо икмыняр чарымашым кораҥдыме. Тидын шотышто Указым Республикым вуйлатыше Александр Евстифеев пеҥгыдемден. Утларак ямде улмо режимым нылымше апрель марте палемдыме. Тудын кышкарыште калык погыныман тӱшка мероприятий- влакым эртараш чаралтеш. Калык тыгак маскым чиен коштшаш. У указ дене могай чарымашым кораҥдыме? Социал дистанцийым эскерыме шотышто, тӱшка объектлашке пурымо годым кюар кодым ончыкташ йодмаш-влак кораҥдалтыт. ЗАГС- влак ончычсо семынак пашам ыштен кертыт, тӱвыра парклаште аттракцион- влак, йоча модмо пӧлем, йоча каныме рӱдер- влак пашам ыштат, 18 ияш марте ийготыш шудымо- влак кугыеҥ деч посна ужалкалыме да каныме рӱдерлашке миен кертыт, пашам ыштыдыме 60 ияш да кугурак ийготан- влаклан самоизоляций кораҥдалтеш. У пунчал дене тӱвыра объектлаш, кинотеатр ден спорт объектлаш мыняр калыкым пурташ лийме шотышто чарымаш вийжым йомдарен.
            Фото: Марий Элым вуйлатышын организаций да аналитик виктемже.

Прошлые выпуски