Корным олмыктымо тургымлан ямдылалтмаш умбакыже шуйна
Республикыштына корным олмыктымо тургымлан ямдылалтмаш умбакыже шуйна. Республике кӱкшытан да муниципал кокласе корнылам олмыкташ 25 кугыжаныш контрактым да Йошкар-Ола агломерацийыш пурышо верысе корным ачалаш муниципал кокласе 19 ойпидышым кылдыме. Чыла паша калыкле проект кышкарыште шукталтеш. Игече йӧным ыштымеке, подрядчик- влак вигак объектлаш лектыт. Тений чылаже регион кӱкшытан 208 меҥге кужыт корным да агломерацийысе верысе кӱкшытан 19 меҥге корным тӧрлаш планыш пуртымо. Январь гычак тӱналын чоҥымо материал- влакым налаш тӱҥалме. Тымарте 50 процент инертный материалым налме, корно паша тӱналме марте тӱрыс ситарыме лиеш. Паша проектын 90 процентшым заказчиклан тергаш да пеҥгыдемдаш колтымо. Тушто пашан чыла ужашыштыжат раш планым ончыктымо,- увертара Марий Элысе корно- влак сообществе.