Сад-пакчаште черланаш огыл манын…

               Шошо толмо дене вашке сад оза- влак шке пакчашкышт кошташ тӱҥалыт. Теле деч вара сад пӧртым кузе эрыктыман да коля йӱштымужым пижыктыман огыл?- эпидемиолог- влак темлат. Вергышке пуышо геморрагический йӱштӧмужо - вирусан чер, писын тӱҥлеш, вӱргорным, вергым эмгата, верге ыштен кертдыме лиеш. Айдемылан тудо юж да вӱдыжгӧ гоч пижеш. Сандене сад пӧртыш икымше гана мийыме годым шарныман: тушто теле гоч коля- влак озаланен кертыныт. Эн ончыч колям пытараш тыршыман, чыла атышӧрым мушман, вакшышыш шартышым кечыште икмыняр шагат коштыман, пӧрт йыр чыла эрыктен лекман. Эрыктыме да мушмо годым респиратор ден рукавицым чийыман, дезинфицироватлыше средстве дене чӱчкыдын уборкым ыштыман да пӧлемым южтарен шогыман. Колялан кочкаш кодаш тыршыман огыл, шолтымо да кленчасе вӱдым гына кучылтман. Черланымаш пале шижалтеш гын, вигак врач деке кайыман,- умылтара Роспотребнадзор виктем.