Ик ий жапыште ондалкалыше- влак республикысе калыкын 240 миллион утла теҥгежым шояклен налыныт

            Ик ий жапыште ондалкалыше- влак республикысе калыкын 240 миллион утла теҥгежым шояклен налыныт. 2021-ше ийыште телефон дене ондалкалымаш ятырлан кушкын. Эл кӧргӧ паша орган- влак оксам шолыштмо нерген калыкын тӱжемат 100 обращенийжым регистрироватленыт. Тичмаш налмаште калыкын 240 миллион теҥгежым ондалкален налыныт. Аферист- влак дене кучедалаш «Ондалкалыше-влак ваштареш чылан пырля» профилактике акцийым тӱҥалме. Тудо тылзе мучко шуйна. Полиций пашаеҥ- влак верысе самоуправлений, мер организаций, МВД пеленысе Общественный советын еҥже- влак дене пырля калык коклаште листовко ден памяткым шаркалат, тӱшка верлаште вераҥдат, калык дене умылтарыме пашам шуктат, СМИ гоч каласкалат. Полицейский- влак шижтарат: палыдыме еҥ- влаклан шке персонал данныйым увертараш, палыдыме счётлашке оксам кусараш, интернетыште палыдыме ссылке дене куснаш ок лий. Оптышыш логалше- влакым вигак полицийыш йыҥгырташ йодыт. Тидын годым жап пеш кугу рольым модеш. Ондалкалыше- влак нерген уверым лишыл да палыме еҥ- влаклан шукырак каласкалаш да утларак еҥлан лӱдыкшыдымылыкым ышташ темлат.