«Авангард» ден «Защита» рӱдер- влаклан оксам ойырымо
Марий Элым вуйлатыше ныл миллионат 800 тӱжем теҥге утла шийвундым «Авангард» да «Защита» рӱдерлан материальный ресурсыштым уэмдаш ойырен. Правительствын резерв фондшо гыч «Защита» специализированный рӱдерлан 605 тӱжем теҥгем пуымо. Тиде окса вакшышыш шартышым, матрасым, кӱпчыкым, леведышм да кухньылык аты-шӧрым налаш колталтеш. Эше ныл миллионат 200 тӱжем теҥгем самырык- влакым военно-патриотизм шӱлышеш шуарыме «Авангард» рӱдерлан пуымо. Тушто тиде оксам пожар сигнализацийым ышташ, рӱдерын тунемме да илыме корпусшын леведышыжым олмыктымо деч вара тӱшка ачалыме пашам шукташ кучылтыт.