Эртыше суткаште республикысе корнылаште корно правилым пудыртымым 360 гана рашемдыме

            Эртыше суткаште республикысе корнылаште корно правилым пудыртымым 360 гана рашемдыме. ГИБДД-н ончыктымыжо почеш, куд водительым шӱшӧ вуя кучымо. Корно правилым пудыртымылан 40 йолешкым административно мут кучаш шогалтыме. Нунын кокла гыч 16-шо пычкемыш  жапыште ял але ола деч ӧрдыжсӧ корнышто машина тулым мӧҥгеш волгалтарыше элемент деч посна лийын. 47  еҥым лӱдыкшыдымылык ӱштым ӱшталдымылан кӧра мутым кучаш ыштыме.
            Республикыштына йӱшӧ йолешке- влак дене ДТП ешаралтме палдырна,- тургыжланен увертара кугыжаныш автоинспекций. 2021-ше ийыште корно экшыклаште 30 йолешке ӱмыр лугыч лийын. Тиде- аварийыш логалше кажне кумшо еҥ. Тений уже йолешке дене 32 ДТП-м регистрироватлыме. Тушто вич еҥ колен да 21 еҥ эмганен. Ӱмыр лугыч лийше кокла гыч иктыже йӱшӧ вуя корныштак киен. Корнышто йӱшӧ еҥым ужыда гын, тидын нерген полицийыш йыҥгырташ йодыт. Телефонжо: 68-09-70.