Калыкле проектлам шыҥдарыме куат ок изем
Республикыштына контрактым тӱрыс ыштымаш корным шукырак чоҥымашым да калыкле проектым шыҥдарымашым луштараш ок пу. Марий Элым вуйлатыше Александр Евстифеев Российыште регионлам вияҥдыме шотышто правительстве комиссий президиумын заседанийыштыже лийын. Тудым Правительстве вуйлатышын алмаштышыже Марат Хуснуллин видеоконференций йӧн дене эртарен. Каҥашыме ик йодышыжо чоҥымо отрасльлан полшымо кризис ваштареш виктаралтше мера- влак лийын. Тиддеч посна погынышо- влак икмыняр федерал проектым тений шыҥдарыме да 2023-шо 2024-ше ийлан план нерген мутланеныт. Эн тӱҥжӧ чоҥымо темпым луштарыман огыл манын палемдыме.
Марий Элыште Александр Евстифеевын кӱштымыжӧ почеш тенийлан корным чоҥаш чыла контрактым пеҥгыдемдыме. Тудым шке жапыштыже ыштымаш да пашам ончылгоч шуктымаш республикылан корным чоҥымаште элысе кундем- влак коклаште кумшо верыште кодаш да идалык еда кугытым ешарен толаш полша. Кызыт арня еда чоҥымо материаллан ак терген шогалтеш. Акым кӱзыктымӧ, лекше нелылык нерген тыманмеш увертараш чоҥышо- влаклан темлымаш- влакым колтымо.
«Яндар вӱд» проект почеш тичмаш контарктым ыштыме, вич объектым чоҥаш палемдыме. «Йӧнан оласе кумдыкым ыштымаш» проект кышкарыште 91 кумдык тӱзландаралтеш, контракт ямде. «Юл эҥерым тазаҥдымаш» проект почеш кок объект чоҥалтеш, контракт уло. Тыге, Марий Элым вуйлатыше Александр Евстифеевын контрактым жапыштыже ышташ да чоҥымо пашам ончылгоч шукташ кӱштымашыже кызытсе жапым ончыде, паша темпым иземдаш ок пу.
Фото: Марий Элым вуйлатышын организаций да аналитик виктемже.
Марий Элыште Александр Евстифеевын кӱштымыжӧ почеш тенийлан корным чоҥаш чыла контрактым пеҥгыдемдыме. Тудым шке жапыштыже ыштымаш да пашам ончылгоч шуктымаш республикылан корным чоҥымаште элысе кундем- влак коклаште кумшо верыште кодаш да идалык еда кугытым ешарен толаш полша. Кызыт арня еда чоҥымо материаллан ак терген шогалтеш. Акым кӱзыктымӧ, лекше нелылык нерген тыманмеш увертараш чоҥышо- влаклан темлымаш- влакым колтымо.
«Яндар вӱд» проект почеш тичмаш контарктым ыштыме, вич объектым чоҥаш палемдыме. «Йӧнан оласе кумдыкым ыштымаш» проект кышкарыште 91 кумдык тӱзландаралтеш, контракт ямде. «Юл эҥерым тазаҥдымаш» проект почеш кок объект чоҥалтеш, контракт уло. Тыге, Марий Элым вуйлатыше Александр Евстифеевын контрактым жапыштыже ышташ да чоҥымо пашам ончылгоч шукташ кӱштымашыже кызытсе жапым ончыде, паша темпым иземдаш ок пу.
Фото: Марий Элым вуйлатышын организаций да аналитик виктемже.