Республикысе кучем шошо вӱдшорлан ямде
Республикысе кучем шошо вӱдшорлан ямде. Марий Элыште гидротехник сооружений- влакым нормативыште кучаш план почеш паша шукталтеш. Пытартыш ийлаште 40 гидротехник сооруженийым капитально олымктымо. Тидлан 158 миллион теҥгем кучылтмо. Кодшо ийын Марий Турек районысо Ошлан эҥерыште сооруженийым олмыктен пытарыме. Тений Параньга районысо Купшер эҥерыште Ирнур ден Пӧртанур ял коклаште, Куженер районысо Аҥанур ял воктене Шем памаш эҥерыште олмыкташ тӱҥалыт. Сомылым 2023-шо ийыште мучашлаш палемдыме. А шошо вӱдшорлан ямдылалтмаш шке жапыштыже тӱҥалын. Кодшо ийын шыжым межведомственный комиссий куд муниципал образованийысе 40 сооруженийыште рейд тергымашым эртарен. Шошо вӱдым лӱдыкшо деч посна эртарен колташ манын материальный да окса шапашым ыштыме, мероприятий планым ямдылыме. «Маргеомониторинг» рӱдер негызеш диспетчер службым чумырымо, 23 гидротехник сооруженийыште эскерыше- влак дене сутка мучко телефон кылым, дежурство графикым ыштыме.
Тидын нерген республикын пӱртӱс поянлык министрже Алексей Киселёв Александр Евстифеевын эртарыме правительствын заседанийыштыже ойлен. Палемдыме: республикыште 191 сооружений кучылталтеш. Нунын кокла гыч эн кӱлешанже: Чебоксар вӱдаралтышын кум инженер аралтышыже, серым пеҥгыдемдыме кум участке, ик пӱя, ик аралтыш сооружений да 183 гидроузел. Нуным 1980-шо ийлаште чоҥымо. Республикысе кучем, виктарыше орган, вучыдымо ситуацийым шижтарыме да кораҥдыме верласе подразделенийын вий ден йӧнжӧ вӱдшор жаплан ямде улыт.- увертарен министр. Сооруженийлам уэмдыме паша умбакыже шуйна. Кызыт вич сооружений шотышто проект да смете документацийым ямдылыме. Нуно Медведево, Советский да Куженер районлаште верланеныт. Лишыл жапыште ЧС комиссийын эше ик заседанийжым эртараш темлыме. Вуд налын кертшаш вер- влакым контрольышто кучыман.
Фото: Марий Элым вуйлатышын организаций да аналитик виктемже.
Тидын нерген республикын пӱртӱс поянлык министрже Алексей Киселёв Александр Евстифеевын эртарыме правительствын заседанийыштыже ойлен. Палемдыме: республикыште 191 сооружений кучылталтеш. Нунын кокла гыч эн кӱлешанже: Чебоксар вӱдаралтышын кум инженер аралтышыже, серым пеҥгыдемдыме кум участке, ик пӱя, ик аралтыш сооружений да 183 гидроузел. Нуным 1980-шо ийлаште чоҥымо. Республикысе кучем, виктарыше орган, вучыдымо ситуацийым шижтарыме да кораҥдыме верласе подразделенийын вий ден йӧнжӧ вӱдшор жаплан ямде улыт.- увертарен министр. Сооруженийлам уэмдыме паша умбакыже шуйна. Кызыт вич сооружений шотышто проект да смете документацийым ямдылыме. Нуно Медведево, Советский да Куженер районлаште верланеныт. Лишыл жапыште ЧС комиссийын эше ик заседанийжым эртараш темлыме. Вуд налын кертшаш вер- влакым контрольышто кучыман.
Фото: Марий Элым вуйлатышын организаций да аналитик виктемже.