Йошкар-Ола аэропорт гыч калыкын ятыр коштмыжо юж корнын кӱлешлыкше да тудым вияҥдаш кӱлмӧ нерген ойла
Йошкар-Ола аэропорт гыч калыкын ятыр коштмыжо юж корнын кӱлешлыкше да тудым вияҥдаш кӱлмӧ нерген ойла. Кум ий наре жапыште аэропорт гоч калык кум пачаш утла шукырак кошташ тӱналын. 2019-ше ийыште куд тӱжемат 200 утла еҥым шупшыктымо гын, 2020-шо ийыште 14 тӱжемат 400 утла, а 2021-ше ийыште 22 тӱжем еҥыш шуын. Тений идалык тӱналтыш гыч гына кум тӱжемат 700 утла еҥым самолёт дене наҥгайыме. Кодшо ийын тыгаяк жапыште кок тӱжемат 300 лийын. Тидын нерген республикым вуйлатыше Александр Евстифеевлан Йошкар-Ола аэропортын директоржо Юрий Минченков ойлен. Марий Элым вуйлатыше палемден: транспорт инфраструктурышто лийше вашталтыш республикым социал-экономик велым вияҥдымаште сай полышым пуа. Аэропортышто терминалым чоҥымо, транспортын подвижной составшым уэмдыме, газозаправке станцийлам шукемдыме, нормативлан келшыше регионысо автомобиль корным ешарыме шотышто кугу паша шукталтеш. Мутат уке, у терминалым да самолётын чоҥештен кӱзымӧ да волен шичме полосам чоҥымо шотышто кугу паша вуча, но улшыжат кызыт сайын пашам ышта.
Чоҥымо паша ик миллиардат 475 миллион теҥгем шога. Кызыт Йошкар-Ола гыч Москош да Санкт-Петербургыш маршрут- влак кугу йодмаш дене пайдаланат. Сочи географийым кумдыҥдыме эше ик йыжыҥ лийын. Тений эше Симферопольыш корно почылтшаш. Александр Евстифеевын мутшо почеш географийым кечывалвелыш гына огыл, эше Минельные Воды, Ноябрьск ден Нижневартовск могырышкылат ешараш кӱлеш. Аэропортын директоржо ешарен: пассажир- влакын шукеммышт дене пырля специальный техникым уэмдымашашт ончыко лектеш. Александр Евстифеевын мутшо почеш, Аэропортым да чоҥештыме полосам обслуживатлыше техникым арендыш налаш ок лий. Сандене республикылан посна налман. Тиде йодышым лишыл жапыште виктарен колтыман. 2023-шо ий гыч тӱналын чоҥештен кӱзымӧ да волен шичме полосам пужен ыштыме паша тӱҥалеш. А тидыже 180-200 веран Боинг-737 судно- влакымат шындаш йӧным пуа.
Фото: Марий Элым вуйлатышын организаций да аналитике виктемже.
Чоҥымо паша ик миллиардат 475 миллион теҥгем шога. Кызыт Йошкар-Ола гыч Москош да Санкт-Петербургыш маршрут- влак кугу йодмаш дене пайдаланат. Сочи географийым кумдыҥдыме эше ик йыжыҥ лийын. Тений эше Симферопольыш корно почылтшаш. Александр Евстифеевын мутшо почеш географийым кечывалвелыш гына огыл, эше Минельные Воды, Ноябрьск ден Нижневартовск могырышкылат ешараш кӱлеш. Аэропортын директоржо ешарен: пассажир- влакын шукеммышт дене пырля специальный техникым уэмдымашашт ончыко лектеш. Александр Евстифеевын мутшо почеш, Аэропортым да чоҥештыме полосам обслуживатлыше техникым арендыш налаш ок лий. Сандене республикылан посна налман. Тиде йодышым лишыл жапыште виктарен колтыман. 2023-шо ий гыч тӱналын чоҥештен кӱзымӧ да волен шичме полосам пужен ыштыме паша тӱҥалеш. А тидыже 180-200 веран Боинг-737 судно- влакымат шындаш йӧным пуа.
Фото: Марий Элым вуйлатышын организаций да аналитике виктемже.