Мини-футбол дене ПФО-н первенствыштыже Марий Элын командыже эн чолга лийын

              Мини-футбол дене 12 ияш марте рвезе- влак коклаште Юл кундем округын первенствыштыже Марий Элын командыже эн чолга лийын. Йошкар-Ола гыч «Зелёный ключ» футбол клубын 2010-шо-2011-ше ийлаште шочшо рвезе- влакын командышт первенствыште икымше да визымше верым налыныт. Таҥасымаш Угарман областьысе Шатка олаште эртен. 10-шо ийыште шочшо- влак Уфан командыже дене ничьям ыштеныт, Угарманлан модын колтеныт, Шаткым сеҥеныт. 11-ше ийыште шочшо- влак Городецым, Саратовым, Озаҥым сеҥеныт. Кок командыжат плей-оффыш лектын, а четвертьфиналыште шке коклаштышт модыныт. Турнирын эн неле матчыштыже изирак- влак вияҥрак лийыныт да 2:1 счёт дене сеҥеныт. Изирак- влак полуфиналыште Угарманым, а финалыште Самара командым сеҥеныт. Луымшо ийыште шочшо- влак турнирын сеткыштыже 5-8-ше вер верч кучедалмаште ончыко лектыныт. Ынде ончылно Россий первенствын финалже вуча.
                 Фото: "Зелёный ключ" МФК", "ВНД".