«Калыкле театр школ» федерал проектыш Марий Элат пурен
«Калыкле театр школ» федерал проектыш Марий Элат пурен. Тидын нерген тӱвыра министерствын пресс-службыжо увертара. Тиде у программе. Тудо Российысе калыкле театрлаште йылме да этнотӱвыра ойыртемым арален кодымашке виктаралтын. Проект кышкарыште театр менеджментлан пӧлеклалтше туныктымо пашам, кеҥежымсе школым да калыкле театр- влакын икымше конгрессыштым эртараш палемдыме. Кызыт проект деке Башкирий, Бурятий, Дагестан, Коми, Татарстан да Якутий ушненыт.