Могай кол эн шуко пижеш

                   Кодшо ийын Марий Элыште 518 тонн колым кучымо. Коло кок тӱрлӧ кол гыч эн шукыжо теве мо логалын: ловал 116 тонн утла, шереҥге- 83, талдаш 66 тонн утла лийын,- увертара пӱртӱс поянлык министерстве. Изиш шагалрак шийгол, нужгол, шылагол, сазан, чӧнча да рак логалыныт. Промышленный кугыт дене колым  кучымаш коло участкыште шукталтын. Тӱшка кумдыкышт 47 тӱжемат пеле гектарыш погына. Нуно Куйбышев да Чебоксар вӱдаралтышыште улыт. Колым кучышо организаций- влак Чебоксар вӱдаралтышыште 421 тонным, Куйбышев вӱдаралтышыште 97 тонным луктыныт. Чылаже 517  тӱжемат 469 тонныш шуын. Таҥастарашлан 2020-шо ийыште 440 тонн деч утларак лийын.