Марий театр- Великобританийыште

Эрик Сапаев лӱмеш опера да балет марий театр гастроль дене Великобританийыш каен. Нуно тушто кок тылзе наре лийшаш улыт. Европысо ончышо- влаклан кум оперым ончыкташ палемденыт: «Кармен», «Мадам Баттерфляй» да «Аидам». Чылаже 22-шо февраль гыч 14-ше апрель марте 46 концерт лийшаш. Труппа 38 олашке мия. Выступлений кажне кечын гаяк эртышаш. Палемдена: марий театрын артистше- влак Великобританийыш кумшо гана каеныт. Йошкар-Олаште театр искуствым йӧратыше- влаклан тургыжланаш ок кӱл. Гастрольыш 70 еҥан опера труппа гына каен. Нунын уке жапыште театрын репертуарыштыже балет спектакль- влакым ончыктат.