Йошкар-Олаште икымше бэби-театр почылтын

                Йошкар-Олаште икымше бэби-театр почылтын. Республикысе курчак театрыште эн изи 1 гыч 4 ияш марте ончышо- влаклан спектакльым ончыктат. Ньога- влаклан «Театр кидкопаште. Шошо» постановкын премьерыжым темлат. Спектакльым Йошкар-Олашке Моско гыч режиссёр Юрий Устюгов конден. Тудо икымше театрым негызлыше улеш. Тудо шке пелашыже сӱретче Ольга Устюгова дене Российыште эн ончыч бэби-театр- влакым ышташ тӱҥалын. Тиде театрыште сай ден осал герой- влак уке улыт. Мутлан «Театр Кидкопаште. Шошо» спектакльыште пӱртӱсын помыжалтмыже, ылыжмыже шокта. Актёр- влак дене пырля шошын симфонийжым модына да кугу шошо пейзажым сӱретлена,- палемдат тетарыште. Бэби- залыште ача-ава- влак шке верыштышт шинчат, а йоча- влак сценыштак кӱпчык ӱмбалне верланат, нуно чарак деч посна коштын кертыт. Изи ончышо-влаклан ешартыш вургемым налаш темлат. Нуно сӱретлымышт годым  амыртен але нӧртен кертыт. Спектакль- влак 26-шо февральыште 10  да 16 шагатлан лийыт, а 27-ше февральыште 10 шагатлан, 5-ше мартыште 10 да 11 шагатат 30 минутлан тӱҥалыт. Эше 20-шо да 31-ше мартыштат лийыт.
                   Фото: Курчак театр, МариМедиа.