Эрла- элым аралышын кечыже

             Российын Президентше Владимир Путин Марий Элысе калыкым Элым аралышын кечыже дене саламлен. Марий Элым вуйлатыше Александр Евстифеев лӱмеш колтымо саламлымашыштыже Президент палемден: Российыште военный службо кеч-могай жапыштат чон йодмо пашалан да виян, лӱддымӧ еҥ- влакын сомылыштлан шотлалтеш. Ӱшанем: ончыкыжымат тыгак лиеш, курым гыч курымыш, тукым гыч тукымыш историйын геройло жапше, ача-коча- влакын подвигышт дене кугешнымаш  куснен толшаш. Правительствым вуйлатыше Михаил Мишустин шке саламлымашыштыже палемден: Элым аралышын кечыже шке элжым йӧратыше да аралыше кажне еҥлан шерге пайрем.