Россельхозбанк фермер- влаклан ойырымо кредитым кугемден

              Россельхозбанк фермер- влаклан ойырымо кредитым кугемден. Москошто АККОР-ын 33-шо погынжо мучашлалтын. Фермер озанлыклан, кугыжаныш кучем органлан да бизнес-структурын еҥышт АПК-м вияҥдыме пӱсын шогышо йодыш- влакым каҥашеныт. Погынын ик эн кугу событийжылан Россельхозбанк правленийын председательже Борис Листовын выступленийже лийын. Кодшо ийын банк фермер- влаклан 102 миллиард теҥге кредитым пуэн. Тидыже ончычсо ий деч 40 процентлан шукырак. Листов тидымат палемден: фермер-влакын тыланымашышт банкын продуктшым да сервисшым кумдаҥдаш негыз улеш. Мутлан, кызыт Свой бизнес приложенийым пашаш колтена. Тудын полшымо дене кеч-кушто лийме годымат смартфон гыч чыла тӱҥ операцийым ышташ лиеш. Лач фермер- влак тыгай продуктын соавторжо улыт. Но кеч-могай технологият моштышо специалист уке гын кӱлдымыш савырна. Сандене «Фермерын школжо» проектым тӱҥалме. Тудо кодшо ийын 50 регионышто да Марий Элыштат ышташ тӱҥалын. Республике гыч 25 участник у шинчымашым налын. Тений тыгай школ Российысе чыла гаяк субъектым авалта. Фермер- влаклан банк велым полыш кажне ийын кугемеш, палемден банкын 
Марий Элысе филиалжым вуйлатыше Георгий Сергеев. У продукт ден сервисым шыҥдарымылан кӧра банк фермер ден агроозанлык- влак деке лишылрак лийын. Кредит портфель Марий Элыште кодшо ийын гына 30 процентлан ешаралтын да ик миллиардат пеле теҥгем эртен.