Альтернативный службылан ешартыш профессийым ойыреныт

              Альтернативный службым эртышаш профессий- влакын перечньыштым уэмдыме. Гражданкыште альтернативный службыш строевой службым эрташ йӧрышылан але изи чарымаш дене йӧрышылан шотлымо рвезе- влакым гына налыт. Идалык еда армийыш 260 тӱжем наре еҥым ӱжыктат, а альтернативный службыш тӱжем утлам. Гражданкыште службым эрташ призыв деч пел ий ончыч йодмашым пуыман. Паша министерстве службо радамыште пашам ыштыме профессий ден должность- влакым уэмдыме спискым ямдылен. Тушко 30 у должность пурен. Тиде- агрохимик, духовой оркестрын артистше, пӱй врач, эпидемиолог, техник-программист, туныктышо-организаторат пуреныт. Латик пашазе профессийымат ешарыме. Мутлан: курьер, котельныйын операторжо, пожарный, воспитательын полышкалышыже, шала пашам шуктышо, яндам ӱштшӧ, столяр да молат. Тиде документ денак икмыняр профессийым кораҥдыме. Тиде- дворник, вольыкым ончышо, почтальон, ургызо, электросварщик, библиотекарь, биолог, судмедэксперт, соцал педагог да зоотехник. Тыге перечньышке 127 тӱрлӧ паша, профессий да должность пурен. 2021-ше ийыште спискыште 124 паша лийын. Альтернативный службын спискыже идалык еда паша рынкым шотыш налын уэмдалтеш.