Марий Элым вуйлатыше ДНР да ЛНР гыч калыкым вашлияш республикын ямде улмыжым аклен
Марий Элым вуйлатыше Александр Евстифеев ДНР да ЛНР гыч калыкым вашлияш республикын ямде улмыжым аклен. Теҥгече тудо оперативный ситуаций шотышто совещанийым эртарен. Вашлиймаште ятыр йодышым каҥашыме- ДНР ден ЛНР гыч толшо калыклан илыме верым ситарыме, пукшымо, медицина полышым пуымо, йоча- влакым туныктымо нерген ойлымо. Республикышке куснен толшо- влак дене пашам ыштыме шотышто пашаче группым ыштыме.
Правительстве председательын алмаштышыже Степан Воронцов тидым увертарен: толшо еҥ- влакым жаплан илаш пурташ кум верым ямдылыме. Тиде Звенигово районысо «Таир» посёлкышто верланыше «Журавушка» социал-реабилитаций рӱдер. Тудо 140 еҥым налын кертеш, Куярыште самырык- влакым военно- патриот шӱлышеш шуарыме Авангард» рӱдер 150 еҥым, «Корта» базыште «Виктория» олимпий резерв спорт школ 70 еҥым вераҥдаш ямде улыт. Чылаже 310 еҥым налаш ямдылыме. Нуно поезд дене Йошкар-Олашке толшаш улыт, чылаже 7 вагон лийшаш. Нуным вокзалыште автотранспорт вашлиеш.
Тыгак медицина полышым пуымо йодышым посна каҥашыме. Тазалыкаралтыш министр Марина Панькован мутшо почеш нуным вокзалыштак тергат, коронавирус шотыштат шымлымаш лиеш. Жаплан илаш пуртымо верлашкат медицина организаций- влакым пеҥгыдемдыме. Туныктыш министр Лариса Ревуцкая палемден: толшо йоча- влакым тыглай да дистанций формат денат туныкташ йӧн уло. Спорт туризм министр Лидия Батюкова толшо- влаклан полшаш волонтёр- влакым ушымо нерген ойлен. Тыгак Самырык- влак полат негызеш «Йошкар Ыресын» добровольчестве рӱдержым ыштыме. Тушто Донбассыш колташ гуманитар полышым погаш тӱҥалме. Социал вияҥмаш министр Марина Островская ешарен: начар тазалыкан- влак толыт гын, тӱҥ шотышто шоҥгыеҥ- влак, нуным «Пӱнчер» базыш, а уш-акыл шотышто нелылыкым шижше- влакым Шоя-Кузнецово интернатыш вераҥдаш палемдыме.
Фото: Марий Элым вуйлатышын организаций да аналитик виктемже
Правительстве председательын алмаштышыже Степан Воронцов тидым увертарен: толшо еҥ- влакым жаплан илаш пурташ кум верым ямдылыме. Тиде Звенигово районысо «Таир» посёлкышто верланыше «Журавушка» социал-реабилитаций рӱдер. Тудо 140 еҥым налын кертеш, Куярыште самырык- влакым военно- патриот шӱлышеш шуарыме Авангард» рӱдер 150 еҥым, «Корта» базыште «Виктория» олимпий резерв спорт школ 70 еҥым вераҥдаш ямде улыт. Чылаже 310 еҥым налаш ямдылыме. Нуно поезд дене Йошкар-Олашке толшаш улыт, чылаже 7 вагон лийшаш. Нуным вокзалыште автотранспорт вашлиеш.
Тыгак медицина полышым пуымо йодышым посна каҥашыме. Тазалыкаралтыш министр Марина Панькован мутшо почеш нуным вокзалыштак тергат, коронавирус шотыштат шымлымаш лиеш. Жаплан илаш пуртымо верлашкат медицина организаций- влакым пеҥгыдемдыме. Туныктыш министр Лариса Ревуцкая палемден: толшо йоча- влакым тыглай да дистанций формат денат туныкташ йӧн уло. Спорт туризм министр Лидия Батюкова толшо- влаклан полшаш волонтёр- влакым ушымо нерген ойлен. Тыгак Самырык- влак полат негызеш «Йошкар Ыресын» добровольчестве рӱдержым ыштыме. Тушто Донбассыш колташ гуманитар полышым погаш тӱҥалме. Социал вияҥмаш министр Марина Островская ешарен: начар тазалыкан- влак толыт гын, тӱҥ шотышто шоҥгыеҥ- влак, нуным «Пӱнчер» базыш, а уш-акыл шотышто нелылыкым шижше- влакым Шоя-Кузнецово интернатыш вераҥдаш палемдыме.
Фото: Марий Элым вуйлатышын организаций да аналитик виктемже