Шӧрым лӱштен налме дене Марий Эл ончылно кая

                 Сутка мучко ик ушкал деч шӧрым кокла шот дене лӱштен налме дене Марий Эл ончылно кая. Россий ял озанлык министерствын ончыктымыжо почеш, февраль кыдаллан ял озанлык органиазций- влакын суткаште колтымо шӧрын кугытшо 51 тӱжем утла тонныш шуэш. Тидыже кодшо ийысе тыгаяк жап деч ныл наре процентлан але кок тӱжем наре тоннлан шукырак. Эн шуко шӧрым Татарстан ден Удмуртийыште, Краснодар край ден Воронеж, Киров, Свердловск, Белгород, Новосибирск, Ленинград да Моско областьлаште налыт. Ик ушкаллан шотлымаште суткаш кокла лӱштыш 18, 46 шӱдаш килограммыш шуэш. Тидыже кодшо ийысе деч ик кило утлалан шукырак. Тиде показатель дене ончылно Карелий, Марий Эл, Удмуртий, Краснодар ден Приморский край-влак ончылно улыт. Нине да ятыр моло кундемыште ик ушкаллан шотлымаште  20 килограмм утла шӧрым шупшылыт, - увертара республикын ял озанлык министерствыже.