Медицина тӧнеж- влак калыклан план почеш полышым пуаш тӱҥалыт

                 Республикысе медицина тӧнеж- влак калыклан план почеш полышым пуаш тӱҥалыт. Эпидемиологий ситуаций саемаш тӱҥалмылан кӧра, поликлинике, амбулаторий да стационар- влак калыклан план почеш медицина полышым пуаш тӱналыт. Черланымаш шаглеммылан кӧра инфекций койко- влак шагалемыт, нуным тыглай полышым пуаш келыштарат. Тазалыкаралтыш министерствын ончыктымжо почеш, черле- влакын эн шуко улмышт годым ковидан 11 госпитальыште тӱжемат 965 койкым вераҥдыме ыле. А кызыт 8 медицина тӧнежыште 870 койко уло.  Ведомство февраль мучашлан эше 110 койкым шагалемдаш шона. Эпидемий тӱҥалме годсек республикыштына 42 тӱжемат 396 еҥын коронавирус чержым рашемдыме, 31 тӱжемат 523 еҥ эмлалт лектын, тӱжемат 28 еҥ илыш дене чеверласен.