«Навыки мудрых» чемпионат мучашлалтын

             Республикыштына «Навыки мудрых» регион кӱкшытан чемпионат мучашлалтын. Таҥасымашыш 16 конкурсант ушнен. Нуно кум компетенций: кермычым оптымаш, ресторан сервис, воспитатель паша дене мастарлыкыштым ончыктеныт. Кермычым оптымаште эн усталан кумшо ПМК гыч Виталий Заболотскихым шотлымо. Ресторан сервисыште торгово-технологий колледж гыч туныктышо Алевтина Лаврентьева ончыко лектын. Воспитатель- влак коклаште Оршанкысе «Родничок» йоча сад гыч воспитатель Ирина Васенёва ойыртемалтын.