Оласе калык Российын Геройжо Марк Евтюхиным шарналтен
Оласе калык Российын Геройжо Марк Евтюхиным шарналтен. Теҥгече Сеҥымаш бульварыште Российын Геройжо Марк Евтюхинын бюстшо воктеке пеледыш аршашым пыштыме. Тудым 76-шо юж-десант дивизийын 104-ше гвардейский полкшын 6-шо парашют- десант ротыжын подвигшылан пӧлеклыме. 22 ий ончыч 90 боец кугу тӱшка боевик ваштареш кредалын. Ваш шогымаш сутка наре шуйнен. Икымше март эрлан 6-шо ротын ятыр салтакше вуйжым пыштен. Подполковник Евтюхин артиллерийын тулжым шке ӱмбакыже налын. Тыге кудымшо рота шке илышыже дене Аргун курык корем гоч тушманлан куснаш чаркым ыштен. Ола округым вуйлатыше Виктор Кузнецов ден Ола мэрын алмаштышыже Антон Пугачёв Марк Евтюхинын бюстшо деке да Геройын илыме пӧртшӧ пырдыжеш вераҥдыме мемориал оҥа деке пеледышым пыштен, шарналтеныт.