Правительствын заседанийыштыже кызытсе жапыште республикым социал-экономик велым вияҥдыме йодышлам ончымо

             Марий Эл Правительствын заседанийыштыже кызытсе жапыште республикым социал-экономик велым вияҥдыме йодышлам ончымо. Санкций- влакым пуртымо жапыште экономике ӱшанлын вияҥже манын, Республикым вуйлатыше Александр Евстифеевын виктарымыже почеш регионысо штаб пашам ышта. Промышленность, экономически вияҥмаш да трговля министр Станислав Крылов кызытсе паша нерген ойлымо годым палемден: предприятий- влакын кӱрылтыш деч посна ыштымыштым кече еда эскералтеш. Перечньышке «Акашево» сурткайык фабрике, «Геникс» фирма, Марий машиностроитель завод, «Потенциал», «Шнейдер Электрик», «Копир» завод- влак пуреныт. Федерал кӱкшытыштӧ нунылан полышым пуымо шотышто ешартыш план ямдылалтеш. Тений январьыште республикысе системым ыштыше 107 предприятийын парышыже 12 миллиард утла теҥгеш погынен. Кодшо ийысе деч 21 процентлан ешаралтын. Промышленность предприятийлаште 18 процентлан, агропромышленный комплексыште 20, чоҥымо пашаште 6, корно озанлык ден транспортышто кум утла процентлан шукырак ыштен налыныт. Тачысе кечылан министрын мутшо почеш, ак иктӧр шога, кочкыш сатум  погкалаш толашымаш уке. Сатулышо сеть- влак кочкышым ситарен шогат. Регионысо проект ден индивидуал программе- влак икшырымын шыҥдаралтыт. Республикым вуйлатыше Александр Евстифеев системообразующий  предприятий- влакын пашаштым, сатулан акым умбакыжат эскерен шогаш кӱштен.
              Фото: Марий Элым вуйлатышын организаций да аналитик виктемже.