Республикысе аграрий- влак шошо ага тургымлан ямдылалтыт

                Республикысе аграрий- влак шошо ага тургымлан ямдылалтыт. Правительствын заседанийыштыже шошо ага паша нерген мутланыме. Марий Элым вуйлатыше вуйын шогышо вуйлатыше- влакым тиде пашам исполнительный кучем органын ик эн тӱҥ пашажлан шотлаш темлен. Ял озанлык министр Андрей Кондратенко увертарен: шошо пасу пашам жапыштыже эртарен колташ да техникылан нагрузкым иземдаш манын, шыжым 124 тӱжем гектар пасум кылмаш курал кодымо. Тидыже шошым ӱдышаш кумдыкын 78 процентше лиеш. Кокияш озымым 47 тӱжем гектареш вераҥдыме але 2021-ше ийысе деч кок тӱжем гектарлан шукырак. «Марийский» агрохимий службын ончыктымыжо почеш, кокияш озымын 70 процентше сайлан шотлалтеш, 30 процентше- уда огыллан. Озанлыклаште тений 148 тӱжем гектареш икияшым ӱдаш палемдыме. Нунын кокла гыч 103 тӱжем гектарже пырчан, пырчан да отызан культура лиеш, технический культура 12 тӱжем гектарым айла, паренге кок тӱжемат пеле гектар лиеш, саска тӱжемат 600 гектареш вераҥдалтеш, кормалык культура- 29 тӱжем наре гектар лийшаш. Технический да саскалык культурылан кумдыкым ешараш шонат. Ӱдышаш да шындышаш урлыкым ситышын шашлыме. Пасу пашаште тӱжемат 700 трактор, тӱжемат 600 мландым пушкыдемдыше технике, 510 ӱдышӧ агрегат тыршаш тӱҥалеш. Республикым вуйлатыше паша кидын ситымыже нергенат йодын. Кызытеш 140 механизатор ок сите манын палемдыме. Тиде йодышым виктарен колташ кӱштымӧ.
             Фото: Марий Элым вуйлатышын организаций да аналитик виктемже.