Марий Элыште радиоэлектронике кластерым ыштат
Марий Эл радиоэлектронике кластерым ышташлан кугыжаныш бюджет гыч 18 миллиард утла теҥгем налеш. Тиде проектын акше деч пелыже утла. Проектше российысе микроэлектронике рынкын йотэл поставщик- влак деч ынже шого манын ышталтеш. «Российын радиоэлектронике кластерже» проект 2022-шо гыч 2030 шо ий марте шыҥдаралтшаш. Тудын тичмаш акше 32 миллиардат 600 миллион теҥгеш шуэш. Кызыт проектым шыҥдарымашке республикысе радиоэлектронике аланыште тыршыше кок промышленный предприятийым ушымо. Проект почеш тӱжем утла пашавер лекшаш. Микросхемым лукташ, печатный платым лукшо линийым колташ, республикыште печатный платым ямдылыше рӱдерым почаш да нуным лукташ кадрым ямдылаш палемдыме.
