Марий Йӱштӧ Кугызан резиденцийже турист комплексыш савырнен кертеш

                   Марий Йӱштӧ Кугызан резиденцийже икмыняр жап гыч турист комплексыш савырнен кертеш. Кызыт Ӱярня арня умбакыже шуйна, вара телым ужатат. Шке тургымжым Марий Йӱштӧ Кугызат мучашла. Шернур районысо Кукнур кундемыш тиде тургымышто уналыкеш  5-ше декабрь гыч 7-ше март марте ныл тӱжемат 500 еҥ толын каен. Ӱмаште тӱжемат пеле лийын. Ончыкыжым бизнесын еҥже-влакын полшымо дене тушто унам вашлийме комплексым ышташ шонымашышт уло. Тунам турист- влак йӱдланат кодын кертыт. Вара контактан зоопарк семын мини-фермым ышташ шонат, кидмастар- влак марий календарьыш пурышо вольык да янлык- влакын фигуркыштым пу гыч ышташ ямде улыт. Чыла тидын нерген кодшо кечылаште Кукнурыш мийымыже годым сенатр Сергей Мартыновлан каласкаленыт. А тудыжо «Марий Йӱштӧ Кугыза» Марий Элын брендше лийын кертеш манын аклен.
                   Фото: "ВНД".