Эрик Сапаев лӱмеш опера да балет театр Великобританий мучко гастроль гыч жап деч ончыч пӧртылеш
Эрик Сапаев лӱмеш опера да балет театр Великобританий мучко гастроль гыч жап деч ончыч пӧртылеш. Нуно тушто 16-шо апрель марте лийшаш улыт ыле, но гастрольым ончылгоч мучашлаш верештын. Тӱвыра министр Константин Ивановын умылтарымыже почеш, тыгай решенийым элысе событийым шотыш налын лукмо. Английысе театр- влак Россий коллектив- шамычым пурташ торешланаш тӱҥалыныт. Труппа куд спектакльым гына ончыктен шуктен. Импрессарио артист- влаклан полшаш шонен, лишыл авиарейслашке билет- влакым налын. Теҥгече Стамбул гоч Москваш ик тӱшка чоҥештен, таче кокымшо тӱшка чоҥештышаш. Ушештарена: гастрольыш 70 еҥ каен ыле: опера труппа да оркестр. Нуно 38 олаште 46 концертым ончыктышаш улыт ыле.