«Автоледи- влаклан пеледыш» акций тӱналын

            Ӱдырамаш пайрем вашеш «Автоледи- влаклан пеледыш» акций тӱналын. МВД-н «Шернур» ГИБДД пӧлкан сотрудникше да мер пашаеҥ- влак машинам виктарыше ӱдырамаш- влакым шушаш пайрем дене саламленыт. Шернур посёлкышто ӱдырамаш- влакын виктарыме автотранспортым чарашлан амалже корно правилым пудыртымашат, документым тергымашат огыл, а пайрем дене саламлымаш лийын. Автоледи- шамыч Кугыжаныш автоинспекций пашаеҥ да Общественный совет вуйлатышын алмаштышыже Владимир Кораблёв деч шуко поро шомакым да тыланымашым колыныт. Пеледышым кучыктышыла полицейский ден мер пашаеҥ Корно правилым шукташ кӱлмӧ, моло водительлан пример лийме нерген ушештареныт.
Фото: МВД РМЭ. МариМедиа.