Оккӱллан ӱшанымашын тоштерже тӱвыра министерствын пашаеҥже- влакын кумылыштым савырен

         Тӱрлӧ оккӱллан ӱшанымашын тоштерже тӱвыра министерствын пашаеҥже- влакын кумылыштым савырен. Шымше номеран илем-колонийын тиде тоштерже «Ший пӱян Пампалче» марий йомак тоштерыште «Нескучный вернисаж» ӧрдыжтӧ ончыктымо выставкым почын. Йомак тоштер марий калыкын тӱвыраже, преданийже ден мифшылан пӧлеклалтын. Тушто марий вургемым чиен ончаш да калык кидмастар- влак дене муталанаш лиеш. Тыгайракак тоштер шымше номеранн илем-колонийыштат уло. Тушто ӱдырамаш- влак шинчыме годым нунылан кид-паша кружокым почыныт. Тыге ыштыме паша ятыр погынен да «Весела Овда» тоштерым почаш ситыше лийын. Ӧрдыжкӧ лукмо выставкылан «Нескучный вернисаж» лӱмым пуэныт. Тудым почмаште тӱвыра министрын алмаштышыже Елена Бурнашева ден шымше колонийым вуйлатыше Андрей Холин лийыныт. Режиман тӧнежын 50 утла экспонатше оласе тоштерыште 1-ше июнь марте ончыкталтеш. Ушештарена: Марий йомак тоштер Чарла кремльыште верланен. Бурнашева палемден: лишыл жапыште колонийысе усталык кружокын пашаже дене лишкырак палыме лияш шонымаш уло.
          Фото: Россий УФСИН-ын Марий Элысе виктемжын пресс-службыжо, МариМедиа.