«Ӱжара» йоча сад «Онлайн-садик» пилот проектым тӱналын

            Йошкар-Оласе «Ӱжара» йоча сад «Онлайн-садик» пилот проектым тӱналын. 30-шо номеран «Ӱжара» йоча садыште ньога- влак дене эртарыме мероприятийлам ача-ава- влак онлайн-формат дене эскерен кертыт. «Пырля кушкына» Россий кӱкшытан проект кышкарыште икымше гана «Онлайн-садик» сервисым кучылташ тӱналыныт. Тудын оксам тӱлыдыман платформыштыжо йоча тӧнежын илышыштыже эн кӱлешанже дене, документ- влак дене палыме лияш, онлайн-йӱклымашке ушнаш лиеш. Йоча тӧнежым вуйлатыше Вера Вертинскаян мутшо почеш, Йошкар-Олалан тиде- пилот проект. Моло регионлаште тудым сайын кучылтыт. Занятий, кружок, пайрем да моло мероприятийым онлайн ончыкташлан видеоэскерыме камере- влакым вераҥдыме. У сервисым ача-ава да тӧнежын пашаеҥже- влак ӱдырамаш пайремлан пӧлеклалтше утренникыште терген онченыт.
           Фото: Йошкар-Ола администраций. МариМедиа.