Колызо- влакым мормышке дене колым кучымо чемпионатышке ӱжыт

Колызо- влакым мормышке дене колым кучымо чемпионатышке ӱжыт
           Колызо- влакым мормышке дене колым кучымо Республикын чемпионатышкыже ӱжыт. Марий Элысе Колым кучымо спорт федераций ий ӱмбач мормышке дене колым кучен таҥасымашым эртара. Профессионал колызо- спортсмен-влак Юл эҥерысе Бутяков икса деке шуматкечын 13-шо мартыште погынат. Иксаште ийын кӱжгытшо ик метр нарыш погына. Сандене колызо- влаклан лӱдыкшӧ уке. Таҥасымашке Йошкар-Олан, Козьмодемьянскын, Звенигово районын командышт толыт. Тыгак Чуваший ден Татарстан гыч уна- влакым вучат. Кажне командыште кум участник гыч лийшаш улыт. Чемпионат кок тур дене эрта, кажныже кок шагат шуйна. Таҥасымаш 8 шагатат 30 минутлан тӱҥалеш.
Фото:https://pixabay.com/

Прошлые выпуски