Пытартыш вич ийыште республикысе калыкын илышыжым саемдыме шотышто чыла аланыштат сай вашталтыш коеш

         Пытартыш вич ийыште республикысе калыкын илышыжым саемдыме шотышто чыла аланыштат сай вашталтыш коеш. 2017-ше ий гыч Марий Элыште нормативлан келшен толшо автомобиль корно 20 процентлан ешаралтын, йоча садлашке черетым тӱвыт пытарыме, ондалалтше дольщик- влакын проблемыштым виктарен колтымо, школ автобус- влакын паркышт уэмын, а самырык ава- влаклан у, кызытсе жаплан келшыше Пренинатал рӱдерым чоҥымо. Чыла тиде вашталтыш пытартыш вич ийыште ыштыме сомыл гыч эше чылажат огыл. Теҥгече Марий Элым вуйлатыше Александр Евстифеев мер органиазцийлан еҥышт дене республикым 2017-ше 2021-ше ийлаште вияҥдыме пашам иктешлен да ончыкылык планым каҥашен.                 Шумо лектыш- тиде мемнан пырля ыштыме пашанан лектышыже, - каласен тудо. Тиде жапыште кугыжаныш парымым кум миллиард теҥгелан шагалемден кертме. Тиде паша умбакыже шуйна. Регионын экономикыже ик тичмашат 3 луаш гана кушкын. Тудын дене пырля инвестицийлан йӧнат кугемеш. Вич ий жапыште республикыштына 23 миллиард теҥгеаш 285 инвестиций проектым илышыш шыҥдарыме. Кызыт эше 25 миллиард теҥгеаш 140 проект шыҥдаралтеш. Тыге республике инвестиций климат шотышто 58- ше гыч 20-шо верыш нӧлталалтын. Марий Эл 11 калыкле проектыште участвоватла. Нунын кышкарыште регионысо 47 проект шыҥдаралтеш. Тиде пашалан 2024-ше ий марте 68 миллиард теҥге кучылталтшаш. Тиддеч посна республикым вияҥдыме индивидуал программым пеҥгыдемдыме. Шукерте огыл «Российын радиоэлектронике кластержым ышташ республикылан 18 миллиард теҥгем ойырымо. Тений 283 меҥге кужыт корным олмыктышаш улына гын, 433 меҥгым ыштен шуктена манын ӱшанем- каласен Александр Евстифеев. Транспорт инфраструктурат сай могырыш вашталтеш. Вич ийыште кок миллион квадрат метр илыме верым чоҥымо. Вес тыгай вашлиймаш ял озанлык йодышлан пӧлеклалтеш,- каласен республикым вуйлатыше. Мучашлан тудо мер пашаеҥ- влаклан сулен налме наградым кучыктен.
           Фото: Марий Элым вуйлатышын организаций да аналитик виктемже.