Тений идалык тӱналтыш гыч республикыштына 115 тӱжем квадрат метр наре илыме верым чоҥымо

             Тений идалык тӱналтыш гыч республикыштына 115 тӱжем квадрат метр наре илыме верым чоҥымо. Кок тылзыште ыштыме илыме верын кугытшо кодшо ийысе тыгаяк жап дене таҥастарымаште 200 процент лийын, а талукаш план деч 30 процент. Чылаже тений 390 тӱжем квадрат метрым чоҥаш палемдыме. Кызытсе лектыш да ончыкылык план нерген Россий правительстве председательын  алмаштышыже Марат Хуснуллинын видеоконференц кыл йӧн дене эртарыме заседанийыштыже ойлымо. Погынымаште Марий Элым вуйлатыше Александр Евстифеев участвоватлен.                  Марий Элыште илыме верым чоҥымо дене пырля илаш йӧрыдымӧ пӧртлам кораҥдыме пашат шукталтеш. Кусарыме программыш 401 шуко пачеран аварийный пӧрт пурен. Тушто шым тӱжем еҥ ила. Тачысе кечылан кок тӱжемат 590 еҥым кусарыме. Тений программын 2-шо, 3-шо, 4-ше йыжыҥже кышкарыште еҥ- влакым кусараш тӱҥалыт. Кокымшо йыжыҥ кышакрыште 640 еҥлан илыме верым пуыман. Кумшо йыжыҥыште 22 тӱжем квадрат метрым кораҥдыман. Тушечын тений 9 тӱжем квадрат метрже Йошкар-Олаште Знаменский посёлкышто кораҥдалтеш. Нылымше йыжыҥ кышкарыште куд тӱжем квадрат метрым пытарыме. Эше 60 тӱжемым кораҥдыман да кум тӱжемат 900 еҥлан илыме верым пуыман. Илыме верым чоҥымо да тоштыжым кораҥдыме йодышым республикым вуйлатыше эре контрольышто куча.
           Фото: Марий Элым вуйлатышын организаций да аналитик виктемже.