«Ширяйково» микрорайонышто школым капитально олмыкташ шонат
«Ширяйково» микрорайонышто школым капитально олмыкташ шонат. 13-шо номеран школым олмыкташ проект да смете докуентацийым ышташ контрактын акше кок миллионат 900 тӱжем теҥгеш шуэш. Тунемме тӧнеж ныл пачашан. Подрядчик кум йыжыҥ дене пашам шуктышаш. Чыла висен-ончен лекман, актым возыман, проект да смета документацийым ыштыман, вара кугыжаныш экспертизым эртыман. Школышто леведышым, омса ден окнам вашталтыман, ырыктыме, электротулым, вӱдым ситарыме системым, канализацийым, сантехник оборудованийым уэмдыман. Тыгак оролымо да пожар сигнализацийым, пурымо годым тергыме йоным олмыктышаш улыт. Пашазе- влак моло пашамат шуктат.
