Волжск гыч каратист- влак виян улыт

              Волжск гыч каратист- влак Тӱнян первенствыштыже призан вер- влакым налыныт. Суздальыште чыла стилян карате дене тӱнян чемпионат ден первенствыже эртен. Таҥасымашыште Артём Гиносянын вуйлатыме «Тигер тим» команде гыч волжскысо спортсмен- влак кучедалыныт. 14 -15 ияш- влак коклаште Максим Коногоров кокымшо верым сеҥен налын. 12-13 ияш- влак коклаште Марсель Сафин тыгак кокымшо лийын, 16-17 ияш- влак коклаште Матвей Борисов кумшо верыш лектын.
             «Волжск 24» порталын фотожо. «МариМедиа».