26-шо номеран гимназийын спортсменже- влак баскетбол турнирыште чот тыршымашым ончыктеныт

             Йошкар-Оласе 26-шо номеран гимназийын спортсменже- влак баскетбол турнирыште чот тыршымашым ончыктеныт. Рӱдӧ олаштына «КЭС-БАСКЕТ» школ басетбол лиге чемпионатын регионысо йыжыҥжын финалже мучашлалтын. Тушто 26-шо гимназийын ӱдыр-влакын да рвезе- влакынат командышт сеҥышыш лектыныт. Спорт-туризм министерствын ончыктымыжо почеш, 2021-ше 2022-шо ийысе тургымысо чемпионатыште 15 муниципал образованийын 154 школжо гыч команде- влак таҥасеныт. Сеҥыше- влак тыге радамлалтыныт: ӱдыр- влак коклаште икымше верым 26-шо гимназий, кокымшым Куженерысе кокымшо школ, кумшым Сотнур школ налыныт. Рвезе- влак коклаште икымше верыш тыгак 26-шо гимназий, кокымшыш Советскийысе 3-шо школ, кумшыш Куженерысе кокымшо школ лектыныт. Ынде сеҥыше- влак республикын чапшым эрла 15-ше мартыште Ижевскыште Юл кундем федерал округын чемпионатыштыже аралаш тӱҥалыт.
              Спорт-туризм министерствын фотожо. «Марийская правда».