Кучемын ямдылыме полышыжо амалкалче- влаклан лӱдыкшӧ деч посна пашам ышташ полша

              Россий Правительствын да республикысе кучемын ямдылыме полышыжо амалкалче- влаклан риск деч посна пашам ышташ да санкций жапыште паша лектышым кугемдаш полшат. Республикын правительствыже промышленный производствым кугемдаш, ял озанлыкым вияҥдаш да йот эл гыч налме сатум вашталташ шона. Тений январьыште гына промышленнынй производствын индексше ик процентат пелылан кушкын, ял озанлык продукций 0,3 луаш процентлан ешаралтын. Чыла отрасльыштат сай вашталтышым умбакыжат кучен шогаш палемдалтеш. Тидлан бизнеслан полшаш тӱрлӧ мера- влакым ыштыме. Тидын нерген республикым вуйлатыше Александр Евстифеев предприниматель- влак дене вашлийме годым ойлен. Тудо палемден:  кредитым налдеат бюджетым планироватлен да терген шоген экономикым кушташ йӧн лектеш. Кодшо ийын индивидуал программым шыҥдарыше субъект семын республикылан финанс министерстве эконмикылан полшаш манын, кредитым налаш разрешенйым пуэн. Но ме ик ырымат налын огынал, каласен Александр Евстифеев.
              26 водозаборышто олмыктымо пашам шуктымо, 12 вӱд башньым вашталтыме, чылаже 30 утла уло. Кок ий жапыште ялласе чыла водозабор системым уэмдена, - каласен глава. Кугыжаныш парым иземдалтеш, Аэропорт пашам ышта, у автовокзал почылтын. Тудыжо моло корно инфраструктура денат кылдалтын. Мутлн, чоҥалтше у магистраль дене. Промышленность министерстве полышым пуымо ешартыш мера- влакым ыштен. Икымше федерал пакет кышкарыште системообразующий организаций- влаклан адресан полыш пуалтеш. Кызыт Российын правительствыже полышын кокымшо пакетшым ямдыла. Пашаче вашлиймаш радамыште Республикым вуйлатыше наградым кучыктымо церемонийымат эртарен. «Марий Эл ончылно надырлан» орденын медальжым Марий  машиностроитель заводын генеральный директоржо Борис Ефремов ден Полупроводник прибор- влак заводын генеральный директоржо  Пётр Козловлан кучыктымо.
             Фото: Марий Элым вуйлатышын организаций да аналитик виктемже.