Теле тӱҥалме годсек Йошкар-Ола гыч 250 тӱжем кубометр лумым луктын кудалтыме

               Теле тӱҥалме годсек Йошкар-Оласе лумым погымо верыш 250 тӱжем кубометр лумым луктын кудалтыме. Тенийсе теле луман лийын. Вочшо кажне миллиметрже «Ола» муниципал предприяийын пашазыже- влаклан ешартыш пашам луктын. Пытартыш вич ий дене таҥастарымаште тиде теле лумлан утларак поян лийын. Шуко лумлан кӧра технике уло куатын пашам ышта да вашке пудырга. Сандене гусеницан у Четра Т-11 бульдозерым налаш шонат. Тений тугайым моло организаций гыч ӱжыкташ верештын. У коммунал технике «кукшо» лум полигоныштат кӱлеш лиеш. Тудыжым Алёнкино ял воктене чоҥаш палемдыме.
             Фото: Н.Ефремова, «Йошкар-Ола» газет.