Владислав Бырля- Россий таҥасымашын призёржо

             Марий Эл гыч Владислав Бырля греко-рим кучедалмаш дене Российын первенствыштыже той призёр лийын. Башкирийын рӱдӧ олаштыже теҥгече 18 ияш марте рвезе- влак коклаште греко-рим кучедалмаш дене Российын Первенствыже мучашлалтын. Волжск ола гыч Владислав Бырля тушто кумшо верым налын. Той награде деч посна спортсмен Российын сборный командышкыже путёвкым налын. Владислав Бырля Волжскысо греко-рим кучедалмаш школышто Российын сулло тренерже Александр Серяковын туныктымо сай ӱшаным сӧрышӧ спортсменлан шотлатеш.
             Фотом тренер- влак пуэныт. «Марийская правда».