Профобъединенийым у еҥ вуйлата

            Александр Майоров Марий Элысе Профобъединенийым вуйлатыше постышто Ольга Цветковам алмаштен. Йошкар-Олаште «Республикысе профсоюз организаций- влакын объединенийышт» Ушемын черетдыме 27-ше конференцийже эртен. Тушто у вуйлатышым сайлыме. Тиде- тымарте председательын алмаштышыжлан ыштыше Александр Майоров. Тудын кандидатурыжым отраслевой профсоюз- влак темленыт да ФНПР-ын исполнительный комитетше сайлан шотлен. Конференцийыште 70 делегат лийын, чыланат шке йӱкыштым Александр Майоров верч пуэныт.
          Фото vk.com/profsousyrme. «ВНД».