Идалык тӱналтыш гыч республикыштына лучко утла наркоман-водительым кучымо
Идалык тӱналтыш гыч республикыштына лучко утла наркоман-водительым кучымо. Кугыжаныш автоинспекцийын пашаеҥже- влак корнылаште наркотик дене аҥыргыше 17 водительым чареныт. Нуно тергымашым медицина организацийлаште эртат. Лектыш пеҥгыдемдалтеш гын, тыгай нарушитель- влак административно мутым кучат. Кодекс дене келшышын иктат пеле гыч кок ий марте права деч посна кодын кертыт да 30 тӱжем теҥге штрафым тӱлат. Водитель удостоверенийже уке гын, 10 гыч 15 сутка марте арестоватлалтыт але 30 тӱжем теҥге штрафым тӱлат. Уэш кучалтыт гын, уголовно мутым кучашышт верештеш. Тиддеч посна нуным медицина организацийыште учётыш шогалтат.