Черняков уремыште корным чоҥымашын икымше йыжыҥже шушаш ийын кеҥежым мучашлалтшаш
Йошкар-Оласе Черняков уремыште корным чоҥымашын икымше йыжыҥже шушаш ийын кеҥежым мучашлалтшаш. Тиде корно Мышино урем деч Машиностроитель урем марте шуйнышаш. Тичмаш кужытшо ик меҥгат пеле утла лиеш. Траснпортлан кошташ ныл полоса лийшаш. Тыгак йоча да спорт площадке- влак, йӱрвӱд йогымо канализаций, велосипед корно лийшаш улыт. Паша кок йыжыҥлан шелалтеш. Икымшыже- Мышино урем деч Козьмодемьянск тракт марте 600 метр наре кужыт. Пашам «Марий Эл Дорстрой» акционер ушем шукташ тӱҥалеш. Контракт 319 миллион теҥгеаш лиеш. Икымше йыжыҥысе паша 2023-шо ийын июньышто мучашлалтшаш.