Шушаш рушарнян быт обслуживаний да ЖКХ пашаеҥ- влакын кечышт палемдалтеш

               Шушаш рушарнян быт обслуживаний, илыме вер да коммунал озанлык пашаеҥ- влакын кечышт палемдалтеш. Тушто тыршыше да ветеран- влакым профессионал пайремышт дене Республикым вуйлатыше Александр Евстифеев саламла. Те илыме вер да коммунал комплекслан чарныде пашам ышташ йӧным ыштеда, еҥ- влакын пӧртыштышт волгыдо, шокшо, йӧнан лийже манын эскереда. Тендан профессионализм ден ответственностьда деч калыкын илыме йӧнжӧ да кумылжо шога. Пытартыш ийлаште республикыште тиде аланыште йодыш- влак чаткан виктаралтыт. Вӱдым, шокшым пуымо системе уэмдалтеш, у объект- влак чоҥалтыт, тоштыжо кораҥдалтеш, специализированный технике налалтеш. Олам да районлам вияҥдымашке пыштыме надырланда, кече еда тыршымашланда тауштем. Калык тендан паша лектышдам ужын шога, - ойлалтеш республикым вуйлатышын саламлымашыштыже.
             Фото: Марий Элым вуйлатышын организаций да аналитик виктемже.