Тазыла корныш шогалше ийготыш шудымо- влакын ача-авашт дене вашлийыныт

              Уголовно-исполнительный инспекцийын психологшо- влак тазыла корныш шогалше ийготыш шудымо- влакын ача-авашт дене вашлийыныт. Погынымашке ийготыш шудымо икшыван судитлыме, но петырыдыме еҥ- влакым ӱжмӧ. Мероприятийыш Йошкар-Ола, Волжский да Медведево районла гыч 40 утла еҥ толын. Уголовно-исполнительный инспекцийын учётыштыжо осал пашам ыштымылан ийготыш шудымо шым еҥ шога. Шукыжо Йошкар-Ола гыч улыт. Нунын дене тӱрлӧ паша шукталтеш. Инспектор- влак воспитатлыме процессыш ача-ава- влакымат ушаш тыршат. Инспекцийым вуйлатыше- влак йоча- влак ончылно ойлаш эл кӧргӧ паша пӧлкан, наркологий диспансерын еҥыштым, мер пашаеҥ- влакым ӱжыныт. Инспекцийын кугурак психологшо Ирина Слесарева ешыште вашкылым вашталтыме нерген ойлен. Мероприятий мучашыште ача-ава-влак специалист- шамыч деч тӱрлӧ йодышлан вашмутым налыныт.
             Марий Элысе УФСИН пресс-службын фотожо. МариМедиа.